Qazaqstanda barlyq qala qurylysy jobalary boıynsha mindetti saraptama engiziledi
ASTANA. KAZINFORM – Ónerkásip jáne qurylys mınıstrligi barlyq qala qurylysy jobalary boıynsha mindetti saraptama engiziletinin habarlady.
Memleket basshysy osy jyldyń 9 qańtarynda qol qoıǵan jáne 1 shildeden bastap kúshine enetin Qazaqstan Respýblıkasynyń jańa Qurylys kodeksine sáıkes, ázirlenetin jáne túzetiletin barlyq qala qurylysy jobalaryna, onyń ishinde egjeı-tegjeıli josparlaý jobalaryna (EJJ) mindetti túrde saraptama júrgizý talap etiledi.
Bul shara qatelikterdi erte kezeńde anyqtaýǵa, sybaılas jemqorlyq táýekelderin azaıtýǵa, derekterdi ózektendirýge jáne qujattardyń ashyqtyǵyn qamtamasyz etýge baǵyttalǵan.
Sonymen qatar, egjeı-tegjeıli josparlaý jobalaryn túzetý eki jylda bir retten jıi júrgizilmeıdi.
Aıta keteıik, Premer-mınıstrdiń orynbasary – jasandy ıntellekt jáne tsıfrlyq damý mınıstri Jaslan Mádıev pen ónerkásip jáne qurylys mınıstri Ersaıyn Naǵaspaev 2026–2027 jyldarǵa arnalǵan qurylys salasyn tsıfrlandyrý josparyn bekitti.