Qazaqstanda banktik qaryzdar boıynsha shekti mólsherleme belgilendi

ASTANA. KAZINFORM – Qazaqstanda jyldyq tıimdi syıaqy mólsherlemesiniń shekti deńgeıleri aıqyndaldy. Bul týraly Qarjy naryǵyn retteý jáne damytý agenttigi men Ulttyq banktiń birlesken qaýlysynda kórsetilgen.

Osylaısha, banktik qaryzdar boıynsha eń joǵary jyldyq mólsherlemeler belgilendi: 

– kepilsiz banktik qaryzdar boıynsha – 46%;

– kepilmen qamtamasyz etilgen banktik qaryzdar boıynsha – 35%;

– ıpotekalyq turǵyn úı qaryzdary boıynsha – 25%.

Mıkroqarjylyq qyzmetti júzege asyratyn uıymdar beretin mıkrokredıtter boıynsha jyldyq tıimdi syıaqy mólsherlemesi 46%-dan aspaýy tıis. 

Al merzimi 45 kúnge deıingi jáne somasy 45 aılyq eseptik kórsetkishten aspaıtyn mıkrokredıtter boıynsha mólsherleme táýligine 0,3%-dan, al jyldyq eseppen 179%-dan joǵary bolmaýy qajet. 

Buǵan deıin Májilis bankter týraly zańǵa Senat jańa redaktsııada usynǵan baptarmen keliskenin jazǵanbyz.