Qazaqstanda bankter men bankomattar jumys istep tur - agenttik
«Almaty men Taldyqorǵannan basqa aımaqtarda bank bólimsheleri qalypty jumys istep jatyr. Al Almatyda búkil bólimshelerdiń jumysy jandanǵan joq. Bankter túgel qashyqtan jumys isteýde, barlyq qyzmetter mobıldi qosymshalar arqyly usynylady», - dep habarlady QR Qarjy naryǵyn retteý jáne damytý agenttiginiń baspasóz qyzmeti.
Olardyń derekterine saı, elde, Almaty men Taldyqorǵandy qospaǵanda, barlyq bankomattar jumys istep tur. Almatyda qoldanystaǵy bankomattar sany shekteýli.
«Barlyq bankomattarda jetkilikti kólemde aqsha bar», - dedi vedomstvodan.
Eske sala keteıik, 6 qańtar kúni lańkestikke qarsy operatsııanyń bastalýy men ınternet jumysynyń nasharlaýynan, sonymen qatar qyzmetkerler men qarjy qyzmetteriniń qaýipsizdigi maqsatynda barlyq qarjy uıymdarynyń, onyń ishinde ekinshi deńgeıdegi bankterdiń jumysy toqtatylǵan bolatyn.
