Qazaqstanda bankrottyq rásimdi qansha bıznes sýbektisi ótip jatyr
Búgingi jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine ońaltý jáne bankrottyq rásimdern jetildirý máseleleri boıynsha ózgerister men tolyqtyrýlar engizý týraly» zań jobasyn talqylaýda.
«Qazirgi tańda bankrottyq rásimdi 4 myńǵa jýyq bıznes sýbektisi ótip jatyr, 400 kásiporyn ońaltý kezeńinde. Іs júzinde kúrdeli qarjylyq jaǵdaıdaǵy bıznes sýbektileriniń sany eleýli. Qoldanystaǵy zań kásipkerlerge sátsiz bıznesti tez jabýǵa múmkindik bermeıdi. Árbir tórtinshi jaǵdaıda sot boryshkerdi bankrot dep tanýdan bas tartady. Sotqa sýbektiniń qarjylyq jaǵdaıyna obektıvti baǵa berýi qıyn. Bolmashy aktıvtiń bolýyn sot qaryzdar boıynsha esep aıyrysý múmkindigi retinde baǵalaıdy», - dedi birinshi vıtse-mınıstr.
Ońaltýdy qoldaný kezinde de jaǵdaı osyǵan uqsas. Árbir úshinshi jaǵdaıda sot ońaltý rásimin qoldanýdan bas tartady. Sebebi boryshker tólem qabileti bar nemese tólem qabilettigin qalpyna keltirý úshin resýrstarynyń bar ekenin dáleldemegen.
«Osyǵan baılanysty zań jobasy ońaltý jáne bankrottyq rásimderin qoldaný úshin jaǵdaılardy jeńildetýge, sondaı-aq rásimderdi júrgizý merzimderin qysqartýǵa jáne jumys istemeıtin boryshkerlerdi jeńil túrde taratýǵa baǵyttalǵan», - dedi B. Sholpanqulov.
Eske sala keteıik, jaqynda QR Prezıdenti Qasym-Jomart Toqaev Qazaqstanda kásiporyndar men kompanııalardy saýyqtyrý men bankrottyǵy talaptaryn túbegeıli jeńildetý jáne rásimder merzimin qysqartý kerektigin tapsyrǵan bolatyn.
