Qazaqstanda bankrottyq basshyny jaýapkershilikten bosatpaıdy: 1,2 mlrd teńge salyq bereshegi anyqtaldy
ASTANA. KAZINFORM — Qazaqstanda salyq bereshegi 1,2 mlrd teńgege deıin ósken kásiporynnyń basshysy qasaqana bankrottyq jasaǵany jáne salyq tóleýden jaltarǵany úshin sottaldy. Buǵan qosa, ony seriktestiktiń qaryzdary boıynsha sýbsıdıarlyq jaýapkershilikke tartý máselesi qaralyp jatyr. Bul týraly Memlekettik kirister komıteti málim etti.
Kásiporyn bankrot dep tanyldy, salyq bereshegi 1,2 mlrd teńgege deıin ósti, al onyń basshysyna aıyptaý úkimi shyǵaryldy. Bul oqıǵa bankrottyq buzýshylyqtardyń saldaryn nólge túsirmeıtinin jáne kináli adamdardy jaýapkershilikten bosatpaıtynyn kórsetedi.
Keıde adal emes kásipkerler kásiporyndy bankrot dep taný jınaqtalǵan mindettemelerden qutylýǵa jáne buryn jasalǵan áreketter úshin saldardan jaltarýǵa múmkindik beredi dep senedi. Alaıda zańnama bankrottyq protsedýrasy bastalǵannan keıin de kásiporyn qyzmetin tekserý múmkindigin qarastyrady.
Aıqyn mysal retinde 2024 jyly sot sheshimimen bankrot dep tanylǵan seriktestikterdiń birimen bolǵan jaǵdaıdy keltirýge bolady.
— Bankrottyqqa deıingi úsh jyl ishinde kásiporyn qyzmetin taldaý barysynda memlekettik kirister organdary qosymsha tekserýdi qajet etetin mán-jaılardy anyqtady, — delingen habarlamada.
Atap aıtqanda, basshy seriktestiktiń tirkelgen ornyn birneshe ret aýystyrǵan. Sonymen qatar kásiporyn shottarynan 1 mlrd teńgeden astam qarajat shyǵarylǵan.
Keıinirek basshy ótken kezeńder úshin qosymsha salyq deklaratsııalaryn usyndy. Nátıjesinde alǵashqyda 19 mln.teńge mólsherinde salyq bereshegi qalyptasty.
Kásiporynda bereshekti óteýge bolatyn múlik bolmaǵandyqtan, seriktestik bankrot dep tanyldy. Alaıda bul oqıǵa osymen aıaqtalmady.
Odan keıingi salyqtyq baqylaý barysynda qosymsha mán-jaılar anyqtalyp, salyq beresheginiń somasy 1,2 mlrd teńgege deıin ósti.
Bankrottyq jaýapkershilikti toqtatýǵa negiz bolǵan joq.
2026 jyly sot basshyny qasaqana bankrottyq jasaǵany jáne salyq tóleýden jaltarǵany úshin kináli dep tanydy. Úkim zańdy kúshine endi.
Sonymen qatar qazirgi ýaqytta bankrottyq basqarýshynyń basshyny seriktestiktiń qaryzdary boıynsha sýbsıdıarlyq jaýapkershilikke tartý týraly talap aryzy qaralýda.
ıAǵnı kásiporyndy bankrot dep taný protsedýrasy onyń basshysy óz áreketteri úshin jaýapkershilikten avtomatty túrde bosatylady degendi bildirmeıdi.
Bul jaǵdaı basshylar men quryltaıshylar úshin bıznesti adal júrgizý jáne salyq zańnamasyn saqtaý nelikten mańyzdy ekenin kórneki túrde kórsetedi.
— Bankrottyq óz aldyna buzýshylyq bolyp tabylmaıdy. Kásiporynnyń qarjylyq qıyndyqtary da quqyq buzýshylyqtyń bar ekenin avtomatty túrde bildirmeıdi. Alaıda tekserý barysynda aktıvterdiń shyǵarylýy, múliktiń jasyrylýy, salyq eseptiliginiń burmalanýy nemese ózge de zańsyz áreketter anyqtalsa, olar zańda kózdelgen jaýapkershilikke ákep soǵýy múmkin, — dep habarlady komıtetten.
Mán-jaılarǵa baılanysty bul ákimshilik jaýapkershilik, qylmystyq jaýapkershilik, salyq bereshegi somasynyń ulǵaıýy, sýbsıdıarlyq jaýapkershilikke tartý, zańnamada kózdelgen tártippen bereshekti óndirip alý bolýy múmkin.
Sondyqtan múlikti aldyn ala shyǵarýǵa, operatsııalardy jasyrýǵa nemese kásiporynnyń tólem qabiletsizdigin jasandy túrde jasaýǵa árekettený máseleni sheshpeıdi, kerisinshe qosymsha quqyqtyq saldarǵa ákelýi múmkin.
Memlekettik kirister organdary kásiporyndardyń qarjy — sharýashylyq qyzmetin, aqsha qarajatynyń qozǵalysyn, tirkeý derekterindegi ózgeristerdi, salyq eseptiligin jáne basqa da málimetterdi taldaıdy.
— Avtomattandyrylǵan taldamalyq quraldardy paıdalaný sáıkessizdikter men kúdikti operatsııalardy anyqtaýǵa, túrli áreketter arasyndaǵy ózara baılanysty anyqtaýǵa jáne zańda kózdelgen sharalardy qabyldaý úshin aqparatty ýaqtyly berýge múmkindik beredi, — dep habarlady Memlekettik kirister komıetinen.
2025 jyldan 2026 jyldyń qyrkúıegine deıingi kezeńde quqyq qorǵaý organdary qasaqana bankrottyq jáne basqa da zańsyz áreketter belgileri boıynsha 18 qylmystyq is qozǵady, memlekettik kirister organdary 51 ákimshilik is júrgizýdi bastady. Sot bankrottyń 19 laýazymdy tulǵasyn sýbsıdıarlyq jaýapkershilikke tartty, taǵy 23 tulǵaǵa qatysty materıaldar daıyndalýda.
Bankrottyq — bul zańdy protsedýra, mindettemelerden jaltarý tásili emes.
Bankrottyq zańnamada kásiporyn óz mindettemelerin obektıvti túrde oryndaı almaıtyn jaǵdaıdy retteý úshin kózdelgen.
Alaıda kásiporyndy bankrot dep taný buryn jasalǵan áreketterdi tekserý qajettiligin joımaıdy jáne buzýshylyqtar anyqtalǵan jaǵdaıda kináli adamdardy jaýapkershilikten bosatpaıdy.
