Qazaqstanda bank kartochkalary arqyly 93,7 trln teńgege operatsııa jasaldy – Ulttyq bank
«2021 jyly qazaqstandyq bankterdiń tólem kartochkalary arqyly jalpy kólemi 93,7 trln teńge somaǵa 6,5 mlrd operatsııa júrgizildi (2020 jyly – 52 trln teńge somaǵa 3,2 mlrd operatsııa júrgizildi).
Tólem kartochkalary boıynsha operatsııalar kóleminiń 78% (73,1 trln teńge) qolma-qol aqshasyz tásilmen júrgizildi. 22% (20,6 trln teńge) bankomattardan qolma-qol aqsha retinde sheshildi», - delingen UB habarlamasynda.
Sondaı-aq ótken jyly árbir besinshi qolma-qol aqshasyz operatsııanyń úsheýi ınternet jáne mobıldi bankıng arqyly júrgizilgen. Olardyń jalpy kólemdegi úlesi 83% quraıdy. Ortasha alǵanda, ınternet jáne mobıldi bankıng arqyly kúndelikti júrgizilgen operatsııalar sany 11,5 mıllıonnan asty, jalpy somasy 167 mlrd teńge.
«Tólem kartochkalaryn paıdalana otyryp, taýarlar men qyzmetterge aqy tóleý úshin ınfraqurylym keńeıýde. POS-termınaldardyń sany 2,4 esege ósip, 509 myń birlikti qurady. Naryqtaǵy POS-termınaldardyń 97% janasýsyz tólem fýnktsııasyn qoldaıdy.
Tólem kartochkalaryn qabyldaıtyn kásipkerler sany 2,5 esege ósip, 274 myńdy qurady», - dedi Ulttyq bankten.
