Qazaqstanda balyqshylar ólimi kóbeıdi
ASTANA. QazAqparat - Qazaqstan sý aıdyndarynda adamdardyń ajal qushý kórsetkishi ulǵaıyp keledi, dep habarlaıdy QazAqparat tilshisi.
«Kúz mezgili bastalǵan sátten beri, balyq aýlaýǵa shyqqan 12 adam ajal qushty. Bul kórsetkish ótken jyldyń kúzimen salystyrǵanda, 3 adamǵa kóp. Olar qaýipsizdik qaǵıdalaryn saqtamaǵan, ıaǵnı qarapaıym qutqarý keýdeshesin qımegen, paıdalanýǵa ruqsat etilmegen júzý quraldaryn qoldanǵan. Ókinishke qaraı, bul kórsetkish jyldan-jylǵa artyp keledi», - deıdi QR Іshki ister mınıstriniń orynbasary ıÝ.Ilın Ortalyq kommýnıkatsııalar qyzmetinde ótken baspasóz máslıhatynda.
Sonymen birge, ıÝ.Ilın qys mezgilinde muz astynan balyq aýlaý úshin jeke qutqarý quraldarynyń bolýy tıistigin eske saldy jáne muzy álsiz sý aıdyndaryna shyqpaýdy eskertti.
Mınıstrdiń orynbasarynyń aıtýynsha, búginde respýblıka aýmaǵynda qysqy kezeńge arnalǵan 76 muzústi avtokólik ótkelderi, 77 jaıaý júrginshi ótkeli jáne 412 sýasty balyq aýlaý oryndary anyqtalǵan. Olardy ІІM jergilikti bólimsheleri tekserip, qaýipsiz dep tanyǵanda ǵana paıdalanýǵa ruqsat beriledi.
