Qazaqstanda balyq sharýashylyǵyn damytýǵa ne kedergi

NUR-SULTAN. QazAqparat – «Balyq sharýashylyǵy ǵylymı-zertteý ınstıtýty» JShS bas dırektory Qýanysh Isbekov elimizde balyq sharýashylyǵy salasynyń negizgi problemasyn atady, dep habarlaıdy QazAqparat tilshisi.

«Negizgi problemalardyń biri – ol sý qoımalaryna jiberetin shabaqtardyń kólemi men túr alýandyǵynyń jetkiliksizdigi. Bul óz kezeginde taýarlyq balyq sharýashylyǵyn tejeýmen qatar, sonymen qatar sý qoımalaryndaǵy balyq ónimdiligin qysqartady», - dedi Q. Isbekov Senatta balyq sharýashylyǵy taqyrybyna arnalǵan kezdesýde.

Onyń sózine qaraǵanda, atalǵan problemany sheshý úshin tıisti qadamdardy iske asyrý kerek.

Osy oraıda balyq jiberý tetikteri bóliginde normatıvtik-quqyqtyq aktilerge ózgerister usynylyp otyr. Bul rette «balyqty kóbirek aýlasa, shabaqty kóbireý jiberý» qaǵıdasyna kóshý kerek.

Sonymen birge, memlekettik tapsyrys esebinen sırek jáne joıylyp bara jatqan balyq túrlerin jiberý iske asyrylýy kerek. Al bıznes aýlaǵan balyq túrlerin barynsha kóbirek ósirýi tıis.

Budan bólek, mamandandyrylǵan selektsııalyq-genetıkalyq ortalyqtardy qurý qajetti aıtyldy. Onda balyq túrleriniń analyǵy shoǵyrlanyp, barsha Qazaqstandy ýyldyryqpen jáne shabaqpen qamtamasyz etedi.