Qazaqstanda balyq pen shaıdyń baǵasy arzandady

ASTANA. QazAqparat - Qazaqstanda 2018 jyldyń qańtar aıynda eksporttalatyn taýarlardyń baǵasy 2017 jyldyń osy kezeńimen salystyrǵanda 0,2 paıyzǵa, al ımporttalatyn taýarlardyń baǵasy 0,9% paıyzǵa qymbattaǵan, dep habarlaıdy QazAqparat.

Statıstıka komıtetiniń keltirgen málimetine sáıkes, osy jyldyń qańtar aıynda eksporttyq ónimder, naqtyraq aıtqanda temir kenderiniń baǵasy 12,5%, mys - 11,6%, marganets kenderi - 8,2%, kómir - 5,1%, munaı 1,1%-ǵa joǵarylaǵan. Myryshtyń quny 2,9%, alıýmınıı 2,5%, qara metall kenderi 1,4% kóterilgen.

Al arpanyń baǵasy 0,7%, maqta 0,4% kóterilip, bıdaıdyń baǵasy 1,1%, jún 0,5% tómendegen.

Importtalatyn ónimderden margarınniń baǵasy 2,7%, makaron ónimderi 2,4%, shujyq - 2%, sút ónimderi - 1,6%, kondıterlik ónimderi - 1,5%, kókónister 0,6%-ǵa qymbattaǵan. Al kakaonyń baǵasy 2,5%, kofe 1,4%, balyq 1,2%, shaı 1% arzandaǵan. Sonymen qatar, ımporttalatyn ónimderdiń ishinde temekiniń baǵasy 17,1%, toqyma buıymdary 1,9%, aıaqkıim 1,2%-ǵa kóterilgen. Dóńgelekterdiń quny 0,7% tómendegen.

Foto: Zemlıanka Anna / anyfoodphotos.ru