Qazaqstanda balyq óndirisi 30 paıyzǵa kemidi
ASTANA. 20 naýryz. QazAqparat - Qazaqstanda balyq óndirý kórsetkishi 1990 jyldardaǵydan 30 esege kemigen.
Bul týraly búgin jýrnalıstermen bolǵan baspasóz máslıhatynda «Qazaq balyq sharýashylyǵy ǵylymı-zertteý ınstıtýty» jaýapkershiligi shekteýli seriktestiginiń Bas dırektory Qýanysh Isbekov málim etti.
Onyń sózine qaraǵanda, bul jaǵdaıdy osy qalpynda qaldyrýǵa bolmaıdy. «Elde akvmádenıetti damytý kerek. Osy ýaqytta biz aýyl sharýashylyǵy mınıstrligimen birlesip, balyqty taýar retinde aýlaý jónindegi sheberlik-jospary daıyndaldy. Atalmysh qujat 2025 jylǵa deıingi aralyqty qamtıdy. Onda balyqtardy jasandy túrde ósirýdi damytý jáne onyń mólsherin jylyna 50 myń tonnaǵa jetkizý máselesi qarastyrylǵan. Bul turǵyndardyń balyqty taǵam retinde paıdalaný kólemin jylyna búgingi 5 keliden 10 kelige deıin jetkizýge múmkindik beredi»,-dedi Bas dırektor.
Al medıtsına mamandarynyń halqymyzdyń árbir turǵyny jylyna 14 keliden astam balyq jeýi kerektigin aıtýda. «Akvmádenıetti damytýmen qatar bizge ózimizdiń tabıǵı qorlarymyzdy da qoldap otyrýymyz kerek. Bul árıne, bizdiń jyl saıynǵy basty jumystarymyzdyń biri. Ótken jyly biz ózimizdiń zertteýlerimizdiń qorytyndysy boıynsha, balyqtardyń ýyldyryq shashatyn kezderin balyq aýlaýǵa tyıym salýdyń merzimin uzartý jóninde bastama bastama kóterdik. Bul balyqtardyń tabıǵı jolmen kóbeıýin qarastyratyn ıgi shara»,-dedi Q.Isbekov.
