Qazaqstanda balmuzdaq baǵasy qansha

ACTANA. KAZINFORM – Kún ysyǵanda balmuzdaqqa suranys artady. Kazinform tilshisi elimizde suranysqa ıe birneshe balmuzdaqtyń baǵasyn bildi.

Ulttyq statıstıka bıýrosynyń málimetine súıensek, qazaqstandyq óndirýshiler suranystyń 92%-yn qamtyp otyr. Degenmen otandyq óndirýshilermen qatar kórshi elderden de balmuzdyq ákelinedi. Suranysy joǵarysy - kesedegi plombır men eskımo.

Baǵasy túrine, salmaǵyna jáne qoljetimdiligine baılanysty 200 teńgeden bastalyp, 7-8 myń teńgege jetedi.

Plombır

Syrty vaflı «Bomba» balmuzdaǵynyń baǵasy orta eseppen 250-350 teńge. Biraq keıbir qalada baǵa 500 teńgege deıin jetedi. Balmuzdaqtyń bul túri Aqtóbede arzan. Mundaǵy baǵa - 255 teńge.

Al eń qymbaty Aqtaý qalasynda satylady. Quny - 550 teńge. Elimizdegi Almaty, Atyraý, Qaraǵandy, Jezqazǵan, Pavlodar, Qostanaı, Óskemen, Semeı, Taraz, Qonaev, Taldyqorǵan qalalarynda baǵa orta eseppen 260-350 teńge bolyp tur. Al Astana, Oral, Kókshetaý, Petropavl, Shymkent, Qyzylorda men Túrkistanda baǵa 300 teńgeden bastalyp, 500 teńgege jetedi.

Kollaj: Kazinform

Eskımo

Eskımo balmuzdaǵynyń baǵasyn salystyrý kezinde kópshilikke tanys Bahroma túri tańdaldy. Orta eseppen bul balmuzdaqty 700-800 teńgege satyp alýǵa bolady. Eń arzany Kókshetaý, Taraz qalalarynda satylady. Baǵa - 550 teńge.

Al Petropavl men Qyzylordada qymbat. Baǵa 1000 teńgeden asady. Aqtóbe, Qaraǵandy, Shymkent pen Túrkistanda baǵa 600-700 teńge aralyǵynda. Astana, Almaty, Aqtaý, Atyraý, Oral, Jezqazǵan, Pavlodar, Qostanaı, Óskemen, Semeı, Qonaev pen Taldyqorǵanda baǵa 700-800 teńge bolyp tur.

Kazinform agenttigi buǵan deıin kámpıt pen pechene baǵasyn jazdy.