Qazaqstanda balasynyń ómirine salǵyrt qaraǵan ata-analar jazasyn aldy

Atap aıtqanda, bıylǵy 16 - 20 qyrqúıek aralyǵynda ishki ister organdary quqyq buzýshylyqtyn aldyn alý jumystaryn jandandyrý baǵytynda respýblıka aýmaǵynda «Balalar túngi qalada» jedel profılaktıkalyq is-sharasyn ótkizdi. Osy rette kámeletke tolmaǵandar qylmystarynyń aldyn alý, olardy quqyq buzýshylyqtar nemese basqa da qoǵamǵa qarsy is-áreketter jasaýǵa tartatyn adamdardy anyqtaý boıynsha sharalar qamtyldy.

«Іs-shara ótkizilgen bes kún aralyǵynda  900-den astam eresek adam ákimshilik jaýapkershilikke tartyldy. Onyń ishinde ata-analyq mindetterin oryndamaǵany úshin 465 adam,  túngi ýaqytta kámeletke tolmaǵandardy oıyn-saýyq mekemelerine zańdy ókildersiz jibergeni úshin 77 adam, on segiz jasqa tolmaǵan adamdarǵa temekini satý faktisi boıynsha - 99, kámeletke tolmaǵandarǵa alkogol ónimderin satqany úshin 125 adamǵa ákimshilik jaýapkershilik sharasy qoldanyldy»,-dep atap ótilgen QR ІІM baspasóz qyzmetiniń habarlamasynda.

Aıta keteıik, bul is-shara múddeli organdar, qaýymdastyqtar,  «Nur Otan» HDP, sonymen qatar bilim berý, densaýlyq saqtaý organdary ókilderiniń qatysýymen uıymdastyryldy.