Qazaqstanda balany mektepke deıin damytýdyń tolyqqandy modeli ázirlenedi
«Muǵalim mamandyǵynyń mańyzy erekshe. Sol sebepti olardy erekshe jaǵdaı jasaıtyn JOO-lar daıyndaýy kerek. Bilim salasyn qarjylandyrý jáne basqarý júıesin jetildirý talap etiledi. Bilim salasynyń barlyq satysyn basqarýdy jańǵyrtý kerek. Basqarýdyń kollegııalyq basqarý júıesin, baqylaýshy jáne qamqorshylyq keńesin qurý qajet. Balany jastan jetildirý júıesi de halyqaralyq standarttarǵa saı kelmeıdi. Biz mektepke deıingi bilim berý salasyn belsendi túrde jetildirip, mektep baǵdarlamasymen sabaqtastyra bilýimiz kerek. Jýyq arada 3-6 jas aralyǵyndaǵy balalardy mektepke deıingi tárbıemen jáne bilimmen qamtý deńgeıi 100 paıyzǵa jetetin bolady», - dedi Prezıdent Ulttyq qoǵamdyq senim keńesiniń otyrysynda.
Áıtse de Memleket basshysy balany mektepke deıin damytýdyń tolyqqandy modeli joqtyǵyna nazar aýdardy.
«Úkimet ony jyldyń sońyna deıin ázirleýi kerek. Biz sonymen qatar balalardy qosymsha bilimmen barynsha qamtýymyz kerek. Bizdiń balalardyń sporttyq, ıntellektýaldyq, shyǵarmashylyq qyryn ashýda óte mańyzdy. Bul maqsatta jeke bastamashylyqty qoldaý kerek. Memlekettik tapsyrys qosymsha bilim berýdiń jeke uıymdaryna barynsha tıimdi jaǵdaıda berilýi tıis. Ásirese bul aýyldar men shaǵyn, monoqalalar úshin mańyzdy», - dedi ol.
