Qazaqstanda balalarǵa ushaqpen tegin ushýǵa múmkindik beretin baǵdarlamaǵa suranys bolmaı otyr

ALMATY. QazAqparat – Qazaqstanda otbasylyq týrızmge arnalǵan jańa Kids Go Free baǵdarlamasy áli suranysqa ıe emes. Sebebi, elimizde týrıstik maýsym áli bastalǵan joq. Kazakh Tourism kompanııasy basqarma tóraǵasynyń orynbasary Qaırat Sádýaqasov alǵashqy nátıjeler jazdyń ortasynda shyǵarylatynyn aıtty, dep habarlaıdy QazAqparat tilshisi.

«Suranys áli úlken emes. Óıtkeni baǵdarlama jańa jáne buryn júzege asyrylmaǵan. Mehanızm tarapynan túsinbeýshilik bar. Sonymen qatar, týrıster arasynda bilimniń azdyǵy da áser etip jatyr. Qazir osy eki baǵyt boıynsha jumys istep jatyrmyz. Baǵdarlama týrıstik operatorlar arqyly iske asady. Olar osy paketterdi satady, sosyn memleketten sýbsıdııa alady. Sondaı-aq baǵdarlamaǵa qatysty usynystaryn aıtady. Biz onymen jumys istep jatyrmyz»,-deıdi Qaırat Sádýaqasov.

Onyń aıtýynsha, jobany halyq arasynda nasıhattaý maqsatynda úlken jarnama jasalady.

«Demalys maýsymy bastalmaǵandyqtan suranys kóp emes. Alǵashqy nátıjelerdi jazdyń ortasyna qaraı qorytyndylaı alamyz. Bul birinshi pılottyq jyl. Nátıjesi boıynsha sýbsıdııany kóbeıtý nemese azaıtý máselesi qaralady. Biraz ózgerister engizemiz», – dep atap ótti Qaırat Sádýaqasov.

Qazaqstan týroperatorlary qaýymdastyǵynyń prezıdenti Inna Reı de baǵdarlamany pysyqtaý kerektigin aıtty.

Eske salaıyq, bıyldan bastap eki jastan on tórt jasqa deıingi balalar Qazaqstanda ushaqpen tegin usha alady.