Qazaqstanda balalarǵa arnalǵan jasandy ókpe modeli ázirlenýde
ASTANA. 9 qyrkúıek. QazAqparat - "Nazarbaev Ýnıversıtetiniń" Ómir týryly ǵylym ortalyǵy Ulttyq ǵylymı kardıologııalyq ortalyǵymen birlesip, balalardyń jasandy ókpesiniń modelin jasaýmen shuǵyldanýda,
dep habarlady "Ulttyq medıtsınalyq holdıng" AQ Dırektorlar keńesiniń múshesi Almaz Sharman pm.kz saıtyna bergen suhbatynda.
"Búginde Ómir týraly ǵylym ortalyǵy Pıtsbýrg ýnıversıtetimen jáne Ulttyq ǵylymı kardıologııalyq ortalyǵymen birlesip, balalar ókpesi prototıpinińnaqty klınıkalyq praktıkada qoldanylatyn jasandy modelin jasaýmen shuǵyldanýda", - dedi A.Sharman.
Qazir qoldanylyp júrgen jasandy ókpe modeliniń kólemin kishireıtý jumystary júrgizilýde, odan keıin ol naqty pedıatrııada paıdalanylatyn bolady dep atap aıty ol.
"Nazarbaev ýnıversıteti" Atqarý keńesi tóraǵasynyń orynbasary Ómir týraly ǵylym ortalyǵy adamnyń dene múshelerimen qatar farmakogenomıkany da damytatynyn jetkizdi.
"Ómir týraly ǵylym ortalyǵy qazirde óte qymbat turatyn dári-dármekke qatysty farmakogenomıkany da zertteıtin bolady, sondyqtan dári qabyldamas buryn adamnyń sol dárige genetıkalyq sezimtaldyǵyn anyqtaý qajet", - dep atap ótti professor.
Sonymen qatar, patsıenttiń ártúrli júrek aýrýlaryna beıimdiligin anyqtaýǵa arnalǵan zertteýler júrgizý de josparlanýda.
Sóz sońynda Ulttyq medıtsına holdıngi Dırektorlar keńesiniń múshesi 2015 jyly Nazarbaev ýnıversıteti bazasynda medıtsınany tájirıbe júzinde qoldanyp qana qoımaı, sonymen qatar oqytýshylyq jumyspen de shuǵyldana alatyn mamandar daıarlaıtyn Medıtsına mektebin ashý josparlanyp otyrǵanyn aıtty.
"Medıtsına mektebi, Ómir týraly ǵylym ortalyǵy jáne Ulttyq medıtsınalyq ortalyqtyń barlyq ulttyq klınıkalary densaýlyq saqtaýdyń kirikken akademııalyq júıesin quratyn bolady dep senemiz. Bul barlyq álemdik trendterge sáıkes keletin baǵyt, óıtkeni naýqasqa kómek kórsetetin ári ózgelerdi oqyta alatyn dárigerler jetekshi retinde ózimen birge barlyq desaýlyq saqtaý salasyn da alǵa súıreıtin bolady" - dep aıaqtady sózin A.Sharman.
