Qazaqstanda balalarǵa arnalǵan áleýmettik mekemelerdegi balalar sany azaıyp jatyr
ALMATY. 25 qyrkúıek. QazAqparat - Qazaqstanda 2007-2012 jyldary balalarǵa arnalǵan áleýmettik mekemelerdegi balalar sany 32 paıyz, al mekemeler sany 14 paıyzǵa qysqardy.
Bul týraly Almatyda ótken І «Balabandııa» balalar qaıyrymdylyq tsırki festıvali kezinde aıtyldy. Almaty qalasynyń ákimdigi, «Bala baqyty» qaıyrymdylyq qory jáne «Amanat Insurance» saqtandyrý kompanııasy uıymdastyrǵan bul sharaǵa qoǵamdyq mekemelerdegi balalar men ózge de jas almatylyqtar qatysqan bolatyn. «Balabandııa» qaıyrymdylyq tsırki festıvaliniń dırektory Janar Japarovanyń aıtýynsha, festıvaldi uıymdastyrǵan «Bala baqyty» qaıyrymdylyq qory balalar úıinen shyqqan túlekterdiń áleýmettik beıimdelýi baǵytynda jumys jasaıdy. Bul joly balalar Shyǵys Qazaqstan oblysy men Oral, Óskemen, Karaǵandy, Qyzylorda, Qostanaı qalalarynan ákelindi. Jalpy 2012 jyldyń derekteri boıynsha Qazaqstanda sońǵy bes jyl ishinde balalarǵa arnalǵan áleýmettik mekemelerdegi balalar sany 32 paıyzǵa, al mekemeler sany 14 paıyzǵa qysqarǵan. Buǵan qaramastan, balalarǵa arnalǵan áleýmettik mekemeler árqashanda qajet bola bermek. Búgingi tańda Qazaqstan balalarynyń áleýmettik yntymaqtastyǵyn kúsheıtý máselesi týyndap otyr. Sebebi, balalar úıleriniń tárbıelenýshileri men kishkentaı múgedekter amalsyzdan ómir súretin ońasha orta, olardyń bolashaq eresek ómirine yqpalyn tıgizedi. ıAǵnı, memleket áleýmettik beıimdelý boıynsha arnaıy sharalardy qolǵa alýy qajet
