Qazaqstanda balalardyń jazǵy lagerleri qashan ashylatyny belgili boldy

NUR-SULTAN. QazAqparat – QR Bilim jáne ǵylym mınıstrliginiń Balalar quqyqtaryn qorǵaý komıteti tóraǵasynyń orynbasary ıÝlııa Ovechkına jaz mezgilinde balalar lagerleri qalaı jumys isteıtinin túsindirdi, dep habarlaıdy QazAqparat tilshisi.

«Bıylǵy jaz mezgili 3 mln 57 myń oqýshy úshin byltyrǵa qaraǵanda ózgeshe bolady. Sondyqtan jazǵy demalysty uıymdastyrýda ózindik erekshelikter engiziledi. Komıtet tarapynan bul turǵyda úsh baǵyt aıqyndaldy. Birinshiden, lagerler uıymdarynyń jumysy. Ekinshiden, balalalardy jazǵy sharalarmen qamtý, onyń ishinde jekeleı sanattaǵy balalarǵa jaǵdaı jasaý. Úshinshiden, qaýipsizdik sharalaryn qamtamasyz etýge ekpin qoıylady. Balalarǵa arnalǵan saýyqtyrý lagerleri, ortalyqtar, keshender, qala mańyndaǵy lagerler qyzmetin jandandyrý sheshimi sanıtarlyq normalardy saqtaý shartymen jergilikti atqarý organdary tarapynan qabyldanady», - dep túsindirdi ıÝ. Ovechkına onlaın baspasóz máslıhatynda.

Onyń sózine qaraǵanda, búginde balalar lagerleri 8 maýsymnan eki óńirde, 15 maýsymnan 12 óńirde, al 20 maýsymnan taǵy eki óńirde ashylatynyn belgili boldy. Shymkent qalasynda lagerler 8 maýsymda, elordada 20 maýsymda ashylady.

«Almatyda mektep janyndaǵy jáne qala syrtyndaǵy balalar lagerleri uıymdastyrylmaıtyny týraly sheshim qabyldandy. Aldyn ala málimetter boıynsha 12 154 lagerdiń ishinde tek 65 paıyzy ǵana jumys isteıdi. Lagerlerge bara almaıtyn qalǵan oqýshylar ne isteıdi? Osy maqsatta biz mektep janyndaǵy uıymdardyń qyzmetin kúsheıttik. Olardyń barlyǵy balalardy tolyqtaı qamtýǵa daıyn, onyń ishinde onlaın forma», - dedi komıtet ókili.