Qazaqstanda balalardyń teń jartysy mektepke deıingi uıymdarmen qamtamasyz etilgen - B. Jumaǵulov
ASTANA. 31 qańtar. QazAqparat /Jasulan Joldybaev/ - Qazaqstanda balalardyń teń jartysy mektepke deıingi uıymdarmen qamtamasyz etilgen.
Bul týraly búgin Bilim jáne ǵylym mınıstrliginiń keńeıtilgen alqa májilisinde vedomstvo basshysy Baqytjan Jumaǵulov málim etti.
Mınıstrdiń atap ótkenindeı, 2011 jyly elde balabaqshalardyń sany 8096-ǵa jetti. Olardyń sany 2010 jylǵy 6446-dan 1650 birlikke ósti.
«Bul - óte jaqsy qarqyn. Mektepke deıingi mekemelerdegi balalardyń jalpy sany - 588 myń. 1-6 jas aralyǵyndaǵy balalardy qamtý 47,5 paıyzǵa jetti. Osylaısha, biz mektepke deıingi bilim berý júıesin tolyǵymen qalpyna keltirip, senimdi túrde alǵa jyljýdamyz», - deıdi vedomstvo basshysy.
B. Jumaǵulovtyń aıtýynsha, eń joǵary kórsetkish - Qaraǵandy (97,1%), Qostanaı (96,4%), Batys Qazaqstan (93,1%), Shyǵys Qazaqstan (92,3%) oblystarynda.
Mınıstrliktiń málimetterine qaraǵanda, jekemenshik balabaqshalardyń sanyn kóbeıtýge «Balapan» baǵdarlamasy úlken serpin berdi.
«Balapan» baǵdarlamasy memlekettik-jekemenshik áriptestikti damytýǵa zor yqpal jasady. Sondyqtan mundaı tájirıbeni keńinen qoldaný kerek», - dep túıindedi sózin mınıstr.
