Qazaqstanda balalardyń semizdikke shaldyǵý problemalary zertteledi
ASTANA. QazAqparat - Ulttyq salaýatty ómir saltyn qalyptastyrý ortalyǵy balalardyń semizdikke shaldyǵý problemasyn zertteý isine den qoımaq. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte atalǵan ortalyqtyń dırektory Jámıla Battaqova málim etti.
«Biz balalardyń semizdikke shaldyǵýyn zertteý boıynsha jobany júzege asyramyz. Negizinen zertteýmen 8-9 jáne 11-13 jas aralyǵyndaǵy balalar qamtylady», - dedi ol.
J.Battaqovanyń atap ótýinshe, zertteý nátıjeleri men nusqaýlyqtar oblystarǵa jiberiledi. Al aımaqtaǵy ortalyqtyń óńirlik bólimsheleri olardy kádege jaratatyn bolady.
