Qazaqstanda balalardyń quqyǵyn qorǵaýmen aınalysatyn 300 astam uıym bar - Bilim mınıstri

NUR-SULTAN. QazAqparat - Qazaqstanda balalardyń quqyǵyn qorǵaýmen aınalysatyn 300 astam uıym bar. Bul týraly QR Bilim jáne ǵylym mınıstri Ashat Aımaǵambetov paraqshasynda jazdy, dep habarlaıdy QazAqparat tilshisi.

«Jyl saıyn maýsym aıynyń alǵashqy kúninde Halyqaralyq balalardy qorǵaý kúni atap ótiledi. Bul – jas urpaqtyń densaýlyǵy men qaýipsizdigine, quqyqtary men damýyna qatysty jaýapkershilikti eske salatyn kún. Qazaqstan balalardyń quqyqtyqtaryn qorǵaýdyń halyqaralyq júıesiniń damýyna belsendi atsalysady. Táýelsizdik jyldary biz negizgi halyqaralyq qujattardy ratıfıkatsııaladyq. Ondaı mańyzdy qujattardyń biri – Bala quqyqtary týraly konventsııa», - dedi mınıstr.

Onyń atap ótýinshe, BUU Bala quqyqtary jónindegi komıteti 70-shi sessııa kezinde elimizde balalardyń quqyqtaryn qorǵaý máselesi aıtarlyqtaı jetilip kele jatqanyn atap ótken. Memleket basshysy Qasym-Jomart Toqaev ta osy másele tóńireginde barlyq qajetti sharalardy qabyldap, balalardyń quqyqtyryn qorǵaý boıynsha tapsyrma bergen.

«Búgingi tańda respýblıkamyzda balalardyń quqyqtaryn qorǵaý máselelerimen QR BǴM, QR DSM, QR EHÁQM, QR AQDM, QR ІІM, QR MSM jáne ózge de mınıstrlikter men basqa da uıymdar aınalysady. Bul rette jergilikti deńgeıde bilim berý, densaýlyq saqtaý, balalarǵa arnalǵan áleýmettik qorǵaý júıesinde myńnan astam organ men uıym jumys isteıdi. Onyń ishinde balalardyń quqyqtaryn qorǵaý máselelerimen aınalysatyn 300 astam úkimettik emes uıym bar», - dedi Ashat Aımaǵambetov.