Qazaqstanda balalardyń quqyǵyn qorǵaý boıynsha strategııalyq qujat jasalady
«BUU Balalar quqyǵy jónindegi komıteti bári tegis qamtıtyn jahandyq qujat jasaýdy usyndy. Meniń depýtattyq saýalyma jaýap bergen Úkimet bul usynysty tolyq qoldap otyr. Biz, memlekettik organdar men úkimettik emes uıymdar barlyq halyqaralyq tájirıbelerdi esepke ala otyryp, jasóspirim balalarǵa baılanysty strategııany qurýǵa kirisip kettik. Qazirgi ýaqytta barlyq memlekettik organdardyń usynys, pikirleri saralanyp jatyr», - deıdi Zaǵıpa Balıeva.
Májilis depýtaty atalǵan másele boıynsha jýyq arada jumys tobynyń alǵashqy otyrysy ótkiziletinin jetkizdi.
«Biz barlyq mán-jaı qamtylatyn strategııalyq qujat ázirleýge kiristik. Joǵarǵy sot bul bastamany tolyǵymen qoldap, biz balalarǵa kelgende ádil sottyń bolýyna kúsh salýdamyz. Synalǵan halyqaralyq tájirıbe bar bolǵandyqtan, Qazaqstan sony ustanady. Balalar sotqa shaqyrylmaı, joǵary bilikti psıhologtar olarmen saýalnama júrgizedi. Jas jetkinshekterden tergeýshiler, prokýrorlar men ózge de protsesske qatysýshylar jaýap almaıtyn bolady. Olar tap bolǵan kúrdeli jaǵdaıdy odan ary ýshyqtyrmaıtyndaı barlyq sharttar jasalady», - dep túsindirdi Zaǵıpa Balıeva.
Eske sala ketsek, BUU Balalar Qory (ıÝNISEF) Qazaqstanda balalarǵa qarsy zorlyq-zombylyqtyń aldyn alý jəne zańǵa tartylǵan balalardyń məselelerin sheshý úshin eki kommýnıkatsııalyq naýqandy bastady. Kommýnıkatsııalyq jobalar bala tərbıesi məselesinde qoǵam men ata-analardyń təjirıbesindegi ədis-amaldardy, jaısyz əleýmettik normalardy ózgertýge baǵyttalǵan.
Birinshi kommýnıkatsııalyq naýqan jas ata-analardyń, sondaı-aq osy məselege kelgende zorlyq-zombylyqqa jol bermeý amaly boıynsha qoǵamnyń bilim-biligin arttyrýdy kózdeıdi. Al ekinshi naýqan zańǵa tartylǵan balalardyń quqyǵyn qorǵaýǵa baǵyttalǵan. Kommýnıkatsııalyq naýqan Qazaqstannyń alty oblysynda, atap aıtqanda Astana men Almaty qalalarynda, ShQO, OQO, Aqtóbe, Mańǵystaý, Qyzylorda oblystarynda bastalady.
