Qazaqstanda balalardyń dástúrli «Juldyzaı» shyǵarmashylyq festıvali bastaldy

Bul týraly is-sharanyń uıymdastyrý komıtetinen habarlady.

Festıvaldyń maqsaty shyǵarmashyl balalardy anyqtap, talaptaryn shyńdaýǵa qoldaý kórsetý, qoǵamda beıimdelýine qolǵabys etý, múgedek balalardyń problemalaryna qoǵamnyń nazaryn aýdartý bolyp tabylady.

Osy kúnderi respýblıkanyń barlyq oblys ortalyqtarynda qazylar alqasynyń qatysýymen festıvaldiń birinshi irikteý kezeńi ótip jatyr. Búgingi kúni Almaty qalasy men Taldyqorǵan, Jambyl, Ońtústik Qazaqstan jáne Qyzylorda oblystarynan nomınattar anyqtalýda.  Balalar ónerlerin vokal, mýzykalyq aspap, horeografııa, shahmat, erekshe óner jáne kórkem sýret janrlary boıynsha usynýda.  «Juldyzaıdyń» budan arǵy baǵyty Aqtóbe, Oral, Aqtaý, Óskemen, Qostanaı, Kókshetý, Petropavl, Pavlodar jáne Qaraǵandy arqyly ótip, Astanada baıqaýdyń ekinshi irikteý kezeńin uıymdastyrý. Elordada múgedek balalar úshin sheberlik sabaqtar ótkiziletin bolady. Festıval aǵymdaǵy jyldyń 1 maýsymynda gala-kontsertpen aıaqtalyp, jeńimpazdar saltanatty jaǵdaıda marapattalady. Gala-kontsertte júzden júırik shyqqan 500 bala óner kórsetedi dep kútilýde.

Atalmysh festıval jyl saıyn jańa esimderdi ashyp keledi. Bul joly «Juldyzaı» festıvaline múmkindigi shekteýli 4 myńnan astam bala qatysýǵa nıet bildirip otyr.