Qazaqstanda balalardy zorlyq-zombylyqtan qorǵaıtyn IT jobalar baıqaýy bastaldy

NUR-SULTAN. QazAqparat – UNISEF balalar qory men Astana Hub tehnoparki qurǵan Áleýmettik ınnovatsııalar zerthanasy áleýmettik IT jobalarǵa baıqaý jarııalady, dep habarlaıdy QazAqparat.

Áleýmettik ınnovatsııalar zerthanasy Qazaqstannyń IT mamandaryn álemdegi balalardy zorlyq-zombylyqtan jáne kemsitýden qorǵaýǵa shaqyrady.

«Eger siz IT mamany bolsańyz nemese áleýmettik máselelerdi sheshý jolyn tapsańyz, adamzat sizdiń sheshimderińizge muqtaj bolyp otyr. ıAǵnı, áleýmettik ınnovatsııalar men IT-sheshimderdiń kómegimen búkil álemdegi balalardyń ómir súrý sapasyn jaqsartýǵa bolady. Social Innovation Lab zerthanasy IT mamandary arasynda otbasy jáne balalar kedeıligi, balalar arasyndaǵy jaraqat, mektepke deıingi jáne mektep biliminiń sapasyn jaqsartý, balalarǵa qatysty zorlyq-zombylyq baǵyttary boıynsha saıys jarııalaıdy», - delingen Astana Hub habarlamasynda.

Tehnoparktiń habarlaýynsha, UNISEF venchýrlyq qory úzdik jobalardy qarjylandyrý múmkindigin qarastyrady jáne Astana Hub jobany akseleratsııalaý múmkindigin usynady.

Baıqaý týraly tolyq aqparatty silab.kz saıtynan tabýǵa bolady.