Qazaqstanda balalardy jaraqattardan saqtandyrý boıynsha aılyq bastaldy

ASTANA. QazAqparat - Qazaqstanda jyl saıyn 1 jáne 30 sáýir aralyǵynda mektep jasyndaǵy balalardy jáne jastardy jol-kólik jáne turmystyq jaraqattardan aldyn ala saqtandyrý maqsatynda aılyq ótkiziledi. 2015 jyly bul shara «Árdaıym muqııat bol!» uranymen ótedi.

QR Densaýlyq saqtaý jáne áleýmettik damý mınıstrliginiń málimetinshe, aılyq barysynda jol júrý erejeleri týraly bilim deńgeıin kóterýge, dárigerge deıingi alǵashqy kómekti kórsetý qaǵıdalary týraly, ózin-ózi saqtaý minez-qulyqty qalyptastyrýǵa baǵyttalǵan barlyq múddeli taraptardyń qatysýymen ótkiziletin dóńgelek ústelder, debattar, baspasóz konferentsııalary, semınar-trenıngter sııaqty is-sharalar josparlanýda.

Balalar jaraqattary tek Qazaqstan úshin ǵana emes, álemniń kóptegen elderi úshin keń kólemdi áleýmettik túıindi máselelerdiń biri ekenin atap ótý kerek. Oǵan ár túrli jaraqattan bolǵan balalardyń ólim-jitiminiń joǵary deńgeıi dálel. Dúnıejúzilik densaýlyq saqtaý uıymynyń jáne Birikken ulttar uıymy balalar qorynyń (ıÝNISEF) balalar jaraqattarynyń aldyn alý jáne baǵalaý jónindegi dúnıejúzilik baıandamasyna sáıkes, alǵan jaraqattan jyl saıyn álemde 830 myń bala qaza bolady, ondaǵan mıllıon balalar múgedek bolyp qalady.