Qazaqstanda balalardy shógen akademııasyna tegin qabyldap jatyr
ASTANA. QazAqparat - Qazaqstan shógen federatsııasy Balalar shógen akademııasyna 9 ben 16 jas aralyǵyndaǵy ul jáne qyz balalardy aqysyz negizde qabyldaýdy bastady.
Osyǵan oraı sáýirdiń 23 kúni Almaty oblysy, Talǵar aýdany, «Aqbulaq» SSK-niń at sporty kesheninde ornalasqan Balalar shógen akademııasynda «Ashyq esik kúni» ótti. Ata-analar men balalar shógen tarıhymen jáne oıyn erejelerimen tanysty. Sondaı-aq balalarǵa oıyndar kórsetilip, ekskýrsııa júrgizildi.
Qazaqstan shógen federatsııasynyń vıtse-prezıdenti Sársen Quranbek Balalar shógen akademııasynda atqa miný men shógen oınaý tegin úıretiletinin aıtty. «Sonymen qatar, Balalar shógen akademııasy Halyqaralyq týrnırlerdiń jeńimpazdarynan dáris alýǵa, óńirlik, respýblıkalyq jáne halyqaralyq jarystarǵa qatysýǵa múmkindik beredi», - dedi Sársen Abaıuly.
«Ashyq esik kúnine» qatysqan 30 dan astam ata-ana balalaryn shógen mektebine tirkeý maqsatynda arnaıy saýalnama toltyrdy.
Akademııaǵa balalar qabyldaý jumystary jalǵasýda. Tolyq aqparatwww.kazpolo.kz saıtynda jáne áleýmettik jelide jarııalanatyn bolady.
