Qazaqstanda balalardy 7-synyptan bastap mamandyqqa baýlý usynyldy
Aqtóbege jumys saparymen kelgen «Atameken» UKP tóraǵasy Tımýr Qulybaev óndiris oryndaryna qajetti kadr daıyndaý jumysyna toqtaldy.
«Dýaldy, qysqartylǵan baǵdarlama boıynsha bilim berýge kóshý kerek. Bir mamandy úsh jyl daıyndaý durys emes. Olar kolledjde mektep baǵdarlamasyn oqymaýy tıis. Bilim alyp, tez arada ekonomıkalyq ósimge úles qosýy úshin baǵdarlamany qysqartý joldaryn qarastyramyz. Olar óz nanyn tabady, jumysqa kirisedi, sóıtip ekonomıkalyq damýǵa úles qosady», - dedi Tımýr Qulybaev.
Jańa jobany qolǵa alǵan «Atameken» UKP Norvegııa, Skandınavııa elderiniń tájirıbesine súıenip otyr. ıAǵnı, balalardy mamandyqqa mektepten bastap ıkemdeıdi.
«Balalardy mektepten mamandyqqa daıyndaýdy josparlap otyrmyz. Bilim jáne ǵylym mınıstrligi usynysty qoldady. Barlyq 7 synyp oqýshysyn zertteýge alyp, olardyń qolynan keletin isterdi, baǵytty anyqtap, zerdeleımiz. Qazirgi kezde zertteý arqyly kimnen qandaı maman shyǵatynyn bilýge bolady. Sol kezde oqý baǵdarlamasyn ózgertýge, haı-skýl, ıaǵnı, 9, 10, 11 cynypta mamandyq ıgerip shyǵý múmkindigi týady. Ári qaraı oqý baǵdarlamasyn JOO baılanystyrýǵa bolady. Bul «Bilim týraly» zańǵa tolyqtyrýlar men ózgertýler engizýge týra keletin sheshim», - dedi «Atameken» UKP tóraǵasynyń orynbasary Eldar Jumaǵazıev.
«Atameken» UKP«Nátıjeli jumyspen qamtý jáne jappaı kásipkerlikti damytý» baǵdarlamasyn iske asyrý kezinde Aqtóbeniń tájirıbesine súıendi. ıAǵnı, kadrdy óndiris ornynyń ózi daıyndaıdy. Ótken jyly elimizde 47 92 adam oqytyldy. Qazirgi kezde dál osy ádispen bilim beretin 189 oqý ortalyǵy bar. Kásipkerlik palatasy bıyl bul sandyq kórsetkishti 300-ge jetkizbek.
«Artyqshylyǵy -maman shákirtaqy alady, kásipkerge árbir oqytqan kadr úshin aı saıyn 31 myń teńge beriledi. Kadr daıyndaý úshin jyl saıyn elimiz 107 mıllıard teńge bóledi. Sapasy syn kótermeıdi. Sondyqtan tórt ózgertý engizgimiz keledi. Kolledj dırektory oblystyq komıssııaǵa kelgen kezde ózi daıyndaǵan kadrdyń jumysqa ornalasqany nemese bos júrgeni týraly aqparat berýi qajet. Máselen, Saryaǵashta dánekerleýshi daıyndap, tek 7 paıyzy jumysqa ornalasqan. Taǵy da sol mamandyqty daıyndasa, sebebin túsindirýi tıis. Kolledjdiń materıaldyq-tehnıkalyq jaǵdaıy zamanaýı suranysqa saı kele me degen suraq ta mańyzdy. Oqý baǵdarlamalaryn baǵalaý kerek», - dedi Eldar Jumaǵazıev.