Qazaqstanda balalar úıi tárbıelenýshileriniń 80 paıyzy «tiri jetimder»

ASTANA. QazAqparat - Qazaqstanda balalar úıinde tárbıelenip otyrǵan jetimderdiń 80 paıyzynyń ata-analary bar. Bul týraly búgin Ortalyq kommýnıkatsııalar qyzmetinde ótken baspasóz máslıhatynda «SOS balalar aýyly» baǵdarlamasynyń dırektory Záýresh Arystanova málim etti.

«Eger biz aldyn alý sharalaryn qolǵa almasaq, áleýmettik mekemelerde balalardyń sany artpasa, tómendemeıdi. SOS óziniń jobalaryn keńeıtýdi qolǵa aldy. Baǵdarlamaǵa qaterli topqa engen balalar tartyla bastady. 5-6 jyldyń ishinde bul joba ózin aqtady. Ol balanyń óz otbasynda qalýyna baǵyttalǵan. Joba aıasynda ata-analardyń jáne áleýmettik mekemelerdiń kelisimimen qaterli toptaǵy otbasylarmen kelisim jasalady jáne barlyq resýrstar qamtamasyz etiledi. Biz balaǵa da, otbasyǵa da kómek jasap otyramyz. Al ata-analar kelisimdegi sharttardy oryndaýǵa kelisedi», - deıdi Z.Arystanova.

Sarapshylardyń aıtýynsha, kámelettik jasqa tolmaǵandarǵa qatysty zorlyq-zombylyq negizinen osyndaı az qamtylǵan otbasylardyń qaraýsyz qalǵan balalaryna qatysty oryn alyp jatady. Balalar eseıgende qylmysqa jıi baryp, qoǵam ómirine beıimdele almaı ketedi. Sondyqtan SOS bastaǵan bul jobanyń aýqymy keńeıýi tıis dep esepteıdi olar.