Qazaqstanda balalar sany 6,9 mıllıonǵa jetti
ASTANA. KAZINFORM – Qazaqstanda 0-17 jas aralyǵyndaǵy balalar sany 6,9 mıllıonǵa jetti.
Ulttyq statıstıka bıýrosynyń málimetinshe, bul respýblıka halqynyń jalpy sanynyń 33,6 paıyzyn quraıdy.
Balalardyń 62,3 paıyzy qalalyq jerlerde, al 37,7 paıyzy aýyldyq jerlerde turady.
– Ul balalardyń úlesi 51,4 paıyzdy, qyz balalardyń úlesi 48,6 paıyzdy quraıdy, – delingen habarlamada.
El boıynsha balalar eń kóp turatyn óńir – Túrkistan oblysy. Munda 910,4 myń bala turady.
Sondaı-aq balalar sany boıynsha Almaty qalasy ekinshi orynda. Megapolıste 688,9 myń bala tirkelgen. Al Almaty oblysynda 572,3 myń bala turady.
– Bul kórsetkishter tıisinshe respýblıkadaǵy barlyq balalardyń 13,2, 10 jáne 8,3 paıyzyn quraıdy, – dep málimdedi Ulttyq statıstıka bıýrosy.
Sońǵy bes jylda elimizdegi balalar sany 4,4 paıyzǵa artqan.
Aıta keteıik, «Ulttyq qor – balalarǵa» jobasy aıasynda balalarǵa 2,3 mlrd dollar bólindi.
