Qazaqstanda balalar oıynshyqtarynyń 40 paıyzynda zııandy zattar bar
ASTANA. QazAqparat - Aǵymdaǵy jylǵy 9 aıdaǵy balalar oıynshyqtaryna júrgizilgen monıtorıng nátıjesi el naryqtarynda satylatyn oıynshyqtardyń 40 paıyzy sapasyz ekenin kórsetti, dep habarlaıdy QazAqparat QR Tutynýshylar quqyqtaryn qorǵaý komıtetiniń baspasóz qyzmetine silteme jasap.
«Barlyǵy 1277 synama alyndy, onyń 510-y normaǵa sáıkes kelmeıdi. Saýda oryndaryn tekserý ónimderdiń basym bóliginde sapa jáne qaýipsizdik sertıfıkattary joqtyǵyn kórsetti. Budan basqa, taýardy tańbalaýda talaptardyń buzylǵandyǵy anyqtaldy. Oıynshyqtar sanıtarlyq-hımııalyq, toksıkologııalyq kórsetkishter boıynsha qaýipsizdik talaptaryna sáıkes kelmeıdi. Barlyq qaýipti oıynshyqtar aınalymnan alyndy», - delingen habarlamada.
Vedomstvonyń derekterine súıensek, satylatyn oıynshyqtar men oıyndardyń 90 paıyzy Qytaıdan ákelinedi.
«Oıynshyqtar BQO, SQO, Qyzylorda oblysy, Aqtaý qalasy jáne Qazaqstannyń basqa da iri qalalarynan tárkilendi», - delingen habarlamada.
Rýdnyıda Paw Patrol oıynshyqtary organoleptıkalyq, fızıkalyq-hımııalyq kórsetkishter boıynsha sáıkes kelmeıtini anyqtaldy, ıisi basym, quramynda fenol bar.
Qyzylordada «Shahmat» jáne «Shashkı/Shahmaty/Nardy» ústel oıyndarynda formaldegıd kóp mólsherde ekeni anyqtaldy. Jambyl oblysynda «KaiZhi Tidland eden qumsalǵyshynda formaldegıd tabyldy. Barlyǵy Qytaıda shyǵarylǵan.
