Qazaqstanda bala ólimi azaıdy
ASTANA.KAZINFORM - Qazaqstanda patronajdyq qyzmetti damytýdyń arqasynda úıde balalardyń ólimi 22 paıyz tómendedi. Bul týraly Densaýlyq saqtaý mınıstrligi habarlady.
Jas balalardaǵy medıtsınalyq jáne áleýmettik sıpattaǵy qaýipterdi azaıtý úshin elde patronattyq qyzmettiń ámbebap progressıvti modeli jetildirilip jatyr.
Patronattyq qyzmettiń jáne 4428 meıirgerdiń árqaısysynyń kúsheıýiniń arqasynda úıdegi balalar ólimi 22%-ǵa qysqardy.
2024 jyly ámbebap patronaj baǵdarlamalary boıynsha 25 myń orta medıtsına qyzmetkeri oqytyldy. Bul balalardy statsıonarlarǵa kesh jatqyzý sanyn 3%-ǵa tómendetýge múmkindik berdi.
Emhanalar bazasynda 290 erte damý jáne aralasý ortalyǵy ashyldy, sondaı-aq 139 pedıatrııalyq bólimshe quryldy.
Barlyq óńirde kómektiń sapasyn arttyrý úshin patronajdyq baqylaýdyń ámbebap progressıvti modeli jáne balalar jasyndaǵy aýrýlardy ıntegratsııalanǵan basqarý boıynsha oqý-ádistemelik ortalyqtar quryldy.
Buǵan deıin Premer-Mınıstr ana men bala ólimi azaıǵanyn aıtqan edi.
Jyl basynan beri elimizde ana óliminiń kórsetkishi 10%-ǵa, náreste ólimi kórsetkishi 26%-ǵa tómendedi. Bul týraly Densaýlyq saqtaý mınıstri Aqmaral Álnazarova Úkimet otyrysynda aıtty.