Qazaqstanda Balalar quqyqtary jónindegi ýákil qyzmetin engizý máselesi kóterilýde - N.Kalıýjnyı
ASTANA. 27 mamyr. QazAparat /Arman Asqarov/ - Qazirgi kezde elimizde Balalar quqyqtary jónindegi ýákil kyzmetin engizý máselesi kóterilip, keńinen talqylanýda.
Bul týraly búgin Astanada jýrnalısterge suhbat bergen Adam quqyqtary jónindegi ulttyq ortalyqtyń jetekshisi Nıkolaı Kalıýjnyı aıtty.
«Osy máselege qatysty bizdiń ustanymymyz bylaı: Balalar quqyqtary jónindegi ýákildiń qyzmeti ulttyq quqyq qorǵaý mekemesi aıasynda engizilýi tıis, ıaǵnı Qazaqstan Respýblıkasy Balalar quqyqtary jónindegi ýákil elimizdegi Adam quqyqtary jónindegi ýákildiń orynbasary bolýy qajet. Sonda ǵana osy saladaǵy jumys kúsheıip, azamattardyń quqyqtaryn qorǵaýdyń naqty júıesi qalyptasady», - dep atap kórsetti N.Kalıýjnyı.
Aıta keteıik, búgingi tańda elimizdegi balalar quqyqtaryn qorǵaý qyzmetin QR Bilim jáne ǵylym mınıstrligi janyndaǵy Balalar quqyqtaryn qorǵaý jónindegi komıtet atqaryp keledi.
