Qazaqstanda balalar qaýipsizdigine arnalǵan saıt ashyldy
ASTANA. QazAqparat - Qazaqstanda balalar qaýipsizdigine arnalǵan www.amansabi.kz atty aqparattyq resýrs óz jumysyn bastady.
Saıtta sábı shaqtan 17 jasqa deıingi balalar qaýipsizdigine qatysty aqparattar júktelgen, deıdi saıtty óz bastamasymen uıymdastyrǵan Astana turǵyny Dınara Qusaıyn. Ol sondaı-aq saıtta analarǵa arnalǵan blogty da júrgizýde.
Atalmysh saıt ata-analarǵa, tárbıeshiler men muǵalimderge jáne eń bastysy - balalarǵa, sondaı-aq jalpy kópshilikke arnalǵan. Amansabi.kz aqparattyq resýrsyna «Damý» kásipkerlikti damytý qory qoldaý kórsetti.
Aldaǵy ýaqytta saıt paıdaly keńestermen, balalar qaýipsizdigi jaıyndaǵy halyqaralyq sarapshylardyń materıaldarymen tolyǵa túspek.
