Qazaqstanda balalar Aıaz Ataǵa jańajyldyq tilekterimen 3 myńnan astam hat jazdy
ASTANA. QazAqparat - «Qazposhta» AQ «Aıaz Ataǵa hat» naýqany boıynsha hat qabyldaýdyń aıaqtalǵanyn habarlaıdy. Hattardyń bir bóligi post.kz saıtynyń betinde jarııalanǵan.
Seriktesterden turatyn komıssııa hattardy óńdep, syılyqtar men Aıaz Atanyń quttyqtaý haty elimizdiń óńirlerine jiberildi. Syılyqtardy Aıaz Ata men Aqshaqar bolyp kıingen kompanııa qyzmetkerleri, seriktester jáne BAQ ókilderi tapsyrady.
«Bıylǵy jyly biz balalardan rekordty hat sanyn qabyldadyq - 3752 hat. Syılyqtardyń kóbi Jańa jylǵa deıin taratylady, qalǵandaryn 13 qańtar, Eski Jańa jylǵa deıin syılaımyz. Ókinishke oraı, hattardyń 257-sinde mekenjaılary kórsetilmegen, olar jaýapsyz qalatyn boldy» - dep habarlaıdy «Qazposhta» AQ baspasóz qyzmeti.
Qazposhtamen birge, seriktester AQ EB «Hoým Kredıt Bank», «Kazahınstrah» AQ, «SINEK», «Samsung Electronics», «Beeline Kazahstan», «OYLA» jýrnaly, «Alina Paint» jáne «Henkel», sonymen qatar, óńirlerdegi kishi jáne orta bıznes ókilderi Jańa jyl merekesine oraı barlyq oblys ortalyqtarynyń poshtamttarynda, sonymen qatar Astana, Almaty jáne Aqtóbe qalalarynyń «Mega» saýda, oıyn-saýyq ortalyqtarynda Aıaz Ataǵa hat jiberýge arnalǵan jáshikter ornatyldy.
«Qazposhta» AQ - poshtalyq, qarjylyq jáne logıstıkalyq qyzmetterdi usynatyn Qazaqstan Respýblıkasynyń ulttyq poshta operatory. Dúnıejúzilik poshta odaǵynyń múshesi, VISA International jáne MasterCard Worldwide halyqaralyq tólem júıeleriniń prıntsıpti qatysýshysy. «Samuryq-Qazyna» AQ kompanııanyń jalǵyz aktsıoneri bolyp tabylady.
