Qazaqstanda balalar arasynda qandaı aýrýlar kóbeıgen
ASTANA. KAZINFORM — Mektep oqýshylaryn jyl saıyn medıtsınalyq tekserýden ótkizý qarastyrylǵan. Bul turǵyda balalar arasynda qaı aýrý túrleriniń kóbeıip bara jatqany baıqalyp otyr? Bul suraqtarǵa QR Densaýlyq saqtaý mınıstrliginiń Medıtsınalyq jáne farmatsevtıkalyq baqylaý komıteti jaýap berdi.
Aıta keteıik, mektep oqýshylaryn profılaktıkalyq medıtsınalyq qarap-tekserý Qazaqstan Respýblıkasy Densaýlyq saqtaý mınıstriniń 2020 jylǵy 15 jeltoqsandaǵy № QR DSM-264/2020 buıryǵymen bekitilgen Qaǵıdalarǵa sáıkes jyl saıyn ótkiziledi.
— Profılaktıkalyq qarap-tekserýlerdiń nátıjeleri boıynsha balalar arasynda kóbine kózdiń kórý qabiletiniń nasharlaýy, tirek-qımyl apparatynyń, as qorytý júıesiniń aýrýlary, sondaı-aq stomatologııalyq aýrýlar anyqtalady, — dep atalyp ótken vedomstvonyń Kazinform agenttigine bergen jaýabynda.
Budan buryn habarlanǵandaı, Densaýlyq saqtaý mınıstrligi mektepke deıingi jáne mektep jasyndaǵy balalardy profılaktıkalyq medıtsınalyq qarap-tekserýden ótkizý boıynsha jańa qaǵıdalardy bekitti.
Balaǵa qatygezdik kórsetilgeni anyqtalǵan jaǵdaıda, alǵashqy medıtsınalyq-sanıtarlyq kómek uıymy dál sol kúni ishki ister organdaryna jáne balanyń quqyqtaryn qamtamasyz etýge jaýapty jergilikti atqarýshy organdarǵa habarlaýy tıis.
