Qazaqstanda balabaqshamen qamtý búginde 80 paıyzdan asty - A. Sárinjipov

ASTANA. QazAqparat - Qazaqstanda mektepke deıingi bilimmen qamtý búginde 80 paıyzdan asty. Bul týraly búgin QR Bilim jáne ǵylym mınıstrliginiń alqa májilisi aldyndaǵy brıfıngte atalǵan vedomstvonyń basshysy Aslan Sárinjipov málim etti.

«Ótken jylǵa qoıylǵan mindetterdi tolyq oryndadyq. 120-dan astam jańa mektep ashyldy. Balabaqshamen qamtý búginde 80 paıyzǵa jetti. Bizde 3-6 jas aralyǵyndaǵy balalardyń sany 1 mln. bolsa, 800 myńy balabaqshaǵa barady»,-dedi mınıstr.

Osy oraıda balabaqsha sanyn arttyrý baǵytynda memlekettik-jekemenshik seriktestikke ekpin qoıylady

Onyń sózine qaraǵanda, kásibı-tehnıkalyq bilim salasyndaǵy eń basty maqsat - dýaldi bilim berý júıesin damytý. Atap aıtqanda, 280 kolledj 3225 kásiporynmen birlesip, dýaldi bilim berý elementterin oqytýda. Bıyl «Nurly jol» baǵdarlamasynyń aıasynda 10 bazalyq kolledj ıdýstrııalandyrýdyń ekinshi kezeńine arnaıy maman daıarlaýdy bastaıdy.