Qazaqstanda bala saýdasy órship tur - QR Bas prokýrory
ASTANA. QazAqparat - Qazaqstanda bala saýdasy órship tur. Bul týraly QR Bas prokýrory Ashat Daýylbaev málim etti.
«Bala asyrap alý sanynyń 17 paıyzǵa tómendeýi aıasynda kámelettik jasqa tolmaǵandardy saýdalaýǵa qatysty tirkelgen faktiler sany 2-den 25-ke deıin artyp otyr. Olardyń altaýy áleýetti bala asyraýshylardyń jańa týǵan sábıdi satyp alýyna qatysty boldy», - dedi A.Daýlybaev.
Bas prokýrordyń paıymynsha, olardy mundaı qadamǵa zańdy túrde bala asyrap alý protsedýrasyndaǵy qıyndyqtar men bıýrokratızm, balalar málimetteriniń biryńǵaı bazasynyń bolmaýy ıtermelegen.
«Sonyń nátıjesinde bala asyrap alýshylar óziniń qalaýymen asyrap alǵysy keletin balany tańdaý múmkinshiliginen aıyrylyp otyr»,- dedi ol.
