Qazaqstanda bala quqyǵy salasynda 400-den astam qoǵamdyq uıym bar
ASTANA. QazAqparat - Qazaqstanda bala quqyǵy salasynda 400-den astam qoǵamdyq uıym bar. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR BǴM Bala quqyǵyn qorǵaý komıtetiniń bas sarapshysy Gúlmıra Qulsarıeva málim etti.
«Búgingi tańda bala quqyǵyn qorǵaý, óskeleń urpaqqa bilim berý, áleýmettik qorǵaý salasynda azamattyq sektordyń mańyzy orasan zor. Qazaqstanda bala quqyǵy salasynda 400-den astam qoǵamdyq uıym bar», - dedi G.Qulsarıeva.
Onyń aıtýynsha, olardyń jumystaryn bir jerden shyǵarý úshin komıtette úılestirý keńesi qurylǵan. Oǵan 37 úkimettik emes uıym kiredi.
«Barlyq uıymdarmen komıtet arnaıy memorandýmdarǵa qol qoıǵan. Asyrap alýshy ata-analar mektebi, otbasyn qoldaý qyzmeti quryldy. Osynyń barlyǵy balalardyń ómirin jaqsartýǵa baǵyttalýda», - dep atap ótti ol.
