Qazaqstanda bala asyrap alýshylarǵa kómek kórsetetin agenttik qurylady
«Zań jobasy aıasynda «Neke jáne otbasy týraly» Kodekske (bala) asyrap alý jónindegi agenttikti akkredıtteý tártibi engiziledi. Olar jetim balalardy asyrap alýshylarǵa psıhologııalyq, konsýltatıvtik kómek kórsetetin bolady», - dedi M. Ahmetjanov. Parlament Senatynda qylmystyq jáne qylmystyq-protsestik zańnamany jetildirý máseleleri boıynsha zań jobasyn talqylaý kezinde.
Keıinnen tilshiler saýalyna jaýap berý kezinde M. Ahmetjanov ulttyq agenttik qurylatynyn jáne ol bala asyrap alýshylarǵa tıisti qoldaý sharalaryn (psıhologııalyq jáne kosýltatıvtik kómek) atqaratynyn jetkizdi.
«Qazirgi tańda sheteldik agenttikter elimizde bar. Olar jumys istep jatyr. Endi sondaı ókilettikti bizdiń ulttyq agenttikke berý kózdelip otyr. Bul turǵyda eshqandaı memlekettik ókilettik olarǵa berilmeıdi. Balany asyrap alýdy tek qana sot sheshedi. Bul másele bizdiń memlekettik organdardyń quzyretinde. Atalǵan agenttikti memleket qarjylandyrmaıdy. Ókinishke qaraı, mamandar búginde biraz ata-ana balany asyrap alýǵa daıyn emestigin aıtýda. Osynyń saldarynan jetkinshekter balalar úılerine qaıtyp kelip jatyr. Sondyqtan osy máseleni zerttep, ata-anany tolyq daıyndap, akkredıtteý kerek. Atap aıtqanda, eń sońǵy túpkilikti sheshimdi sot qabyldaıdy. Sot jan-jaqty qarap, zańǵa qaıshy nemese kúdikti jaǵdaılar bolsa, balany asyrap alýǵa berýden bas tartýǵa tolyq mindetti», - dedi QR Bas prokýrorynyń orynbasary.
