Qazaqstanda bala asyrap alýdyń jańa erejeleri kúshine endi
ASTANA. 24 qańtar. QazAqparat - Aǵymdaǵy jylǵy 17 qańtarda kúshine engen «Neke (erli-zaıyptylyq) jáne otbasy týraly» QR Kodeksimen sheteldik azamattarmen bala asyrap alý úrdisi tujyrymdamaly túrde ózgertildi.
Ádilet mınıstrligi resmı saıtynyń málimetinshe, eger burynyraq sheteldik bala asyrap alýshylar tikeleı asyrap alatyn bolsa, onda qazir asyrap alý máselelerine tek zańdy tulǵalar - agenttikter, QR aýmaǵyndaǵy ózderiniń fılıaldary men ókildikteri arqyly jiberiletin bolady.
Bala asyrap alýshylardy izdeý jáne bala asyrap alý úrdisin rásimdeý boıynsha qyzmetti júzege asyratyn agenttikterge Qazaqstanda olardyń quqyq qabilettiligin resmı túrde taný úshin balalardyń quqyqtary men múddelerin qorǵaý salasyndaǵy ýákiletti organ Qazaqstan Respýblıkasy Bilim jáne ǵylym mınıstrliginiń Balalar quqyqtaryn qorǵaý jónindegi komıtette akkredıtteý rásiminen ótýi qajet bolady.
Ótinish bergen kezde óz memleketiniń aýmaǵynda atalǵan salada óz qyzmetin keminde on jyl júzege asyryp júrgen bala asyrap alý jónindegi agenttikter akkredıtatsııalaýǵa jatady.
Agenttikter 1 jyl merzimge akkredıtteledi.
Eger agenttikpen zańda belgilengen barlyq talaptar saqtalǵan bolsa bul merzim avtomatty túrde sozylady.
Akkredıtteý tártibi, qujattar tizimi, ótkizý merzimi Kodekspen naqty rettelgen.
Akkredıtteý týraly ne odan bas tartý týraly sheshim 10 jumys kúni ishinde qabyldanady.
