Qazaqstanda azyq-túlik taýarlary 8% qymbattady

ASTANA. QazAqparat - 2017 jydyń tamyz aıynda Qazaqstandaǵy azyq-túlik taýarlarynyń quny 2016 jyldyń sáıkes kezeńimen salystyrǵanda 8%-ǵa qymbattady, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.

Eseptik kezeńde kofe, sháı jáne kakao baǵalary 16,8%-ǵa, kondıterlik ónimder - 12,6%, jemis-jıdek pen kókónister - 10,2%, alkogoldi sýsyndar - 10,1%, sút ónimderi - 9,5%, balyq jáne teńiz ónimderi - 8,8%, bálish jáne nan ónimderi - 8,7%, nan - 3,3%, un - 2,8%, makaron ónimderi - 2,5%-ǵa qymbattaǵan, al qant pen jarma ónimderi 10,2%-ǵa arzandaǵan.

Et jáne et ónimderi baǵasynyń ósimi 11,4%-dy qurady. Sıyr eti 14,4%-ǵa, qoı eti - 13,2%, qus eti - 10,8%, shoshqa eti - 10,7%, jylqy eti - 8,6%, shujyq ónimderi 6,9%-ǵa qymbattaı túsken.