Qazaqstanda azyq-túlik taýarlary 2017 jyly 6,5 paıyzǵa qymbattady
ASTANA. QazAqparat - Qazaqstanda 2017 jyldyń jeltoqsan aıynda azyq-túlik taýarlary 2016 jyldyń jeltoqsanymen salystyrǵanda 6,5 paıyzǵa qymbattady, dep habarlaıdy «QazAqparat» HAA tilshisi QR UEM Statıstıka komıtetine silteme jasap.
Atalǵan merzim ishinde kondıterlik ónimder 10,7%, alkogoldik ishimdikter - 10,3%, sút ónimderi - 9,3%, balyq jáne teńiz ónimderi - 8,6%, jemister men kókónister - 8,4%, toqash jáne un ónimderi - 7,4%, kofe, shaı jáne kakao - 6,2%, nan - 2,8%, makaron ónimderi - 2,1%, un - 1,8 paıyzǵa qymbattaǵan. Al qanttyń baǵasy 19,5%, jarmanyń baǵasy 15,1%-ǵa tómendegen.
Atalmysh kezeńde et jáne et ónimderi baǵasynyń ósimi 11,4% qurady. Sıyr etiniń baǵasy 15,3%, qoı eti - 14,1%, jylqy eti - 9,8%, shoshqa eti - 9,3%, shujyq ónimderi - 7,3%, qus eti - 5,8%-ǵa qymbattaǵan.
