Qazaqstanda azyq-túlik saýda ústemesi 200 paıyzdan asqan derekter tirkeldi
«Saýda ústemesi 200 paıyzdan joǵary asqan jaǵdaılar anyqtaldy. Máselen, respýblıka boıynsha ortasha eseppen baǵa aıyrymynyń máni vermıshel boıynsha 172 %-dy, tútik kespe boıynsha 170 %-dy, kespe boıynsha 102 %-dy, untaq jarmasy boıynsha 123 %-dy, arpa jarmasy boıynsha 147 %-dy, sók boıynsha 175 %-dy, kúrish boıynsha 116 %-dy, suly boıynsha 233 %-dy, kartop boıynsha 102 %-dy, sábiz boıynsha 130 %-dy, basty pııaz boıynsha 154 %-dy, qyzylsha boıynsha 140 %-dy quraıdy», - dedi mınıstr.
Onyń aıtýynsha, mınıstrlik áleýmettik mańyzy bar taýarlar baǵasynyń negizsiz ósýine jol bermeý maqsatynda jumys júrgizýde. Atap aıtqanda, monopolııaǵa qarsy organ aǵymdaǵy jylda 27 tekseris júrgizgen. Onyń ishinde 12-si aıaqtalsa, 15-i óndiriste. Aıaqtalǵan 3 tekseristiń qorytyndylary boıynsha naryq sýbektileriniń ymyralasý faktileri toqtatyldy. Tekserister júrgizý barysynda Pavlodar oblysyndaǵy qaraqumyq jarmasynyń baǵasyn 182-den 196 teńgege deıin negizsiz ósýine qatysty faktiler boıynsha tıisti uıǵarym men aıyppul engizilgen. Qazirgi ýaqytta qabyldanǵan sharalar boıynsha sot tártibinde shaǵym júrgizilip jatyr.
«Monopolııaǵa qarsy organmen 2016 jylǵy shildede Astana, Almaty qalalarynda, Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qyzylorda, Pavlodar oblystarynda qanttyń qatty qymbattaýy jáne taýardyń tapshy bolý faktisi boıynsha 10 tekseris júrgizilip jatyr. Batys Qazaqstan oblysy sýbektileriniń is-áreketterinde un men qaraqumyq jarmasynyń baǵasy alyp-satý arqyly óskeni baıqaldy. Atalǵan fakti boıynsha 2 tekseris bastaldy. Monopolııalyq kiristerdi eskere otyryp, tekserister qorytyndysy boıynsha monopolııaǵa qarsy organmen usynylǵan materıaldyq sanktsııasynyń jalpy somasy 23 mln. teńgeni qurady, onyń ishinde qazirgi ýaqytta memlekettik bıýdjetke 12 mln. teńge tústi», - dedi ol.