Qazaqstanda azyq-túlik baǵasynyń ósý sebebi túsindirildi

NUR-SULTAN. QazAqparat – QR Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov azyq-túlik baǵasynyń qymbattaý sebepterin túsindirdi, dep habarlaıdy QazAqparat.

Onyń aıtýynsha, jyl basynan beri azyq-túlik baǵasy 4,8%-ǵa ósken.

«Qymbattaýdyń negizgi sebebi – ımporttyq ónimderge baǵanyń ósýi bolyp otyr. Bizde birqatar ónim boıynsha ımportqa táýeldilik bar, mysaly qant ımportyna – 60%, qaraqumyqqa – 11%, kúnbaǵys maıyna – 22%, taýyq etine – 20%. Osy pozıtsııalarda baǵanyń eń joǵary ósýine jol berilgen. Biz óz kezegimizde baǵanyń qymbattaýynyń ekonomıkalyq sebepterin kórip otyrmyz jáne jedel sıpattaǵy birqatar shara qabyldadyq. Taldaý qorytyndysy boıynsha, naryq qatysýshylaryna baǵanyń tómendetý týraly 48 eskertý jiberildi. Bul eskertýlerdiń shamamen 70%-y erikti túrde oryndaldy jáne baǵalar tómendetildi. Búginde baǵanyń ósý qarqyny 0,6% - dan 0,2% -ǵa deıin tómendedi», - dedi R. Ahmetov Ortalyq kommýnıkatsııalar qyzmetinde ótken baspasóz máslıhatynda.

Buǵan deıin spıker «Básekelestikti damytý jónindegi ulttyq jobanyń» negizgi baǵyttaryn aıtyp bergen edi.