Qazaqstanda azyq-túlik baǵasyn zańsyz ósirýge qatysty 749 fakti anyqtaldy

NUR-SULTAN. QazAqparat – Elimizde áleýmettik mańyzy bar azyq-túlik baǵasyn qoldan jasap, kóterý faktileri tirkeldi. Bul týraly QR Premer-Mınıstriniń orynbasary, saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«Qazaqstanda áleýmettik mańyzy bar azyq — túlik ónimderine ruqsat etilgen bólshek saýda ústemesinen asyp ketý faktileri-749 buzýshylyq anyqtaldy. Olardyń kópshiligi: qant - 40% deıin, kúnbaǵys maıy - 35% deıin, kókónister-25%», - dep jazdy Baqyt Sultanov

Facebook paraqshasynda.

«19-25 naýryz aralyǵynda Qazaqstanda áleýmettik mańyzy bar azyq-túlik taýarlary baǵasynyń 1,7% - ǵa ósýi tirkeldi jyl basynan beri ÁMAT baǵasynyń ósýi 9,9% - dy qurady. Bir apta ishinde eń kóp qymbattady: qyryqqabat -11%, pııaz - 9,3%, qant - 6,3%, kartop - 4,7%, sábiz - 3,3%, taýyq jumyrtqasy - 1,7%», - delingen Úkimet basshysynyń orynbasary jarııalaǵan aqparatta.

Eske sala ketsek, Premer-Mınıstr áleýmettik mańyzy bar taýarlarǵa 15% ústeme baǵanyń saqtalýyn baqylaýdy kúsheıtýdi tapsyrǵan edi.