Qazaqstanda azyq-túlik baǵasyn baqylaıtyn saıt qurylady
NUR-SULTAN. QazAqparat - QR Saýda jáne ıntegratsııa mınıstrligi áleýmettik mańyzy bar azyq-túlik baǵasyna monıtorıng júrgizetin onlaın platforma qurýdy usyndy, dep habarlaıdy QazAqparat tilshisi.
Oǵan kez kelgen turǵyn áleýmettik mańyzy bar taýar fotosýretin jibere alýy tıis.
«Qazirgi ýaqytta Statıstıka komıteti ár seısenbi kúni áleýmettik mańyzy bar azyq-túlik taýarlarynyń baǵasyn qolmen jınaqtaıdy. Resmı statıstıkalyq derekter ár beısenbi kúni jarııalanady. Al damyǵan elderde baǵany monıtorıngteýge halyq qatysady. ıAǵnı, kez-kelgen azamat taýar baǵasyn sýretke túsirip, áleýmettik mańyzy bar azyq-túlik taýarlarynyń saıtyna jibere alady», - dedi QR Saýda jáne ıntegratsııa mınıstri Baqyt Sultanov Úkimet otyrysynda.
Mınıstrdiń aıtýynsha, atalǵan júıe arqyly aımaqtardaǵy jáne naqty dúkenderdegi áleýmettik mańyzy bar azyq-túlik taýarlaryn onlaın rejımde baqylaýǵa bolady.
«Sizdiń qoldaýyńyzben biz osy júıeni qurýǵa jáne oǵan barlyq múddeli memlekettik organdar men uıymdardy qosýǵa daıynbyz», - dep Sultanov QR Premer-mınıstri Asqar Mamınge.
Óz kezeginde Úkimet basshysy mınıstrliktiń onlaın-platforma týraly usynysyn maquldady.
