Qazaqstanda azyq-túlikti tutyný kólemi artty

ASTANA. KAZINFORM — 2025 jyly buǵan deıingi jylmen salystyrǵanda azyq-túlik ónimderiniń barlyq negizgi toby boıynsha tutyný kórsetkishi ósken. Bul týraly Ulttyq statıstıka bıýrosy málim etti.

Bıýro azyq-túlik tutynýy boıynsha iriktemeli zertteý nátıjelerin jarııalady.

Orta eseppen jan basyna shaqqanda bir aıdaǵy tutyný kólemi: kartop – 3,8 kg 1-suryptaǵy bıdaı unynan pisirilgen nan – 2,4 kg sıyr eti – 2,1 kg alma – 1,6 kg qumsheker – 1,5 kg kúrish – 1,4 kg shıki sút – 1,1 lıtr aıran – 1 lıtr jumyrtqa – 17,6 dana makaron ónimderi – 0,9 kg jańa aýlanǵan nemese salqyndatylǵan balyq – 0,8 kg qara shaı – 0,1 kg

Negizgi azyq-túlik ónimderin tutyný bir aı ishinde úı sharýashylyǵynyń bir múshesine shaqqandaǵy ortasha kólem retinde esepteledi. Kórsetkishter tutynylǵan ónimderdiń jalpy kólemin úı sharýashylyǵy músheleriniń sanyna bólý arqyly anyqtalady.

Al Aýyl sharýashylyǵy mınıstrligi bıyl azyq-túlik óndirisi 9,5%-ǵa artatynyn habarlady.