Qazaqstanda ajyrasý úshin tólenetin baj qanshalyqty ósýi múmkin

ASTANA. KAZINFORM – Depýtattar nekeni buzý kezindegi tólenetin memlekettik bajdy 0,5 AEK-ten 20 AEK-ke deıin kóterýdi usyndy.

- Meniń oıymsha, keıbir depýtattardyń usynystary jaqsy bastama. Osy oraıda AEK deńgeıin (ajyrasýǵa ótinim bergenderge) taǵy da kóterý kerek dep aıtar edim, - dedi depýtat Berik Beısenǵalıev Parlament Májilisinde tilshiler suraǵyna jaýap bere otyryp.

Ol muny qazaqstandyqtardyń jeke ómirine aralasý dep sanamaıtynyn málimdedi.

- Qalaı bolǵanda da, bajdy kóterý týraly usynys bıýdjetti tolyqtyrý maqsatynda jasalmady. Osy usynysqa bastamashy bolǵan depýtattardyń oıynsha, bul sheshim ajyrasý aldynda adamdar bir sát oılanyp, salmaqty sheshim qabyldaýy úshin jasap otyr, ıaǵnı ajyrasýda emotsııaǵa salynbaýy kerek. Bul turǵyda «1000 teńge, álde 20-30 ese artyq tóleısiń be?» - aıyrmashylyq bar. Mamandardyń paıymynsha, jańa qadam (baj salyǵynyń ósýi) asyǵys sheshim qabyldaýǵa tosqaýyl qoıýy múmin, - dedi depýtat.

Budan buryn habarlanǵandaı, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.