Qazaqstanda ázerbaıjandyq qylmys áleminiń «serkesi» ustaldy
ASTANA. QazAqparat - Qazaqstanda turyp jatqan ázerbaıjan dıasporasynan shyqqan kásipkerlerdi bopsalamaq bolǵan urylar áleminiń serkesi ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat tilshisi.
«QR ІІM, UQK jáne Aqmola oblystyq ІІD qyzmetkerleri Şýchınsk qalasyndaǵy qonaq úılerdiń birininiń nómerinen Grýzııa men Ázerbaıjan aýmaǵynda qylmystyq is-áreketpen aınalysqan, ózin «vor v zakone» kastasyna qatysty sanaıtyn Ázerbaıjan Respýblıkasynyń azamatyn qolǵa túsirdi. Ustalǵan adamnan oǵy bar tapansha, granata jáne esirtki zattary tárkilendi», - dedi ol.
Departament basshysynyń aıtýynsha, kúdikti Qazaqstanǵa Tbılısıden áýe reısimen kelgen.
«Aldyn ala málimetterge sáıkes, ol týǵan-týysy Grýzııa men Ázerbaıjan Respýblıkasynda turatyn ázerbaıjan dıasporasynan shyqqan kásipkerlerdi bopsalaýmen aınalysýdy josparlaǵan. Ustalǵan adam ýaqytsha oqshaýlaǵyshqa qamaldy. Tergeý amaldary júrgizilip jatyr», - dedi Almas Sadýbaev.
