Qazaqstanda azamattyq sektordyń damýyn talqylaýǵa arnalǵan pikir almasý alańyn qurý qajet - Almatydaǵy májilis

ALMATY. Qazannyń 29-y. QazAqparat /Názıra Eleýhan/- Búgin Almatyda qazaqstandyq ÚEU-dar memlekettik organdar men donorlyq agenttikterdiń azamattyq qoǵam ınstıtýttarymen tıimdi qarym-qatynastary boıynsha máselelerge baılanysty pikirsaıysqa bastama bildirdi.

Atalmysh sharanyń bastamashyldary úsh uıymnan turatyn toptan qurylǵan - "ÚEU Aqparattyq-resýrstyq ortalyǵy", "Daǵdarys ortalyq odaǵy" jáne "Jalǵas" mekemesi.

Olardyń aıtýynsha, azamattyq sektordyń damýyn talqylaýǵa arnalǵan pikir almasý alańyn uıymdastyrý qajet jáne ol "ÚEU - memleket - donorlyq agenttik" úlgisinde bolýy kerek. Sonymen qatar, azamattyq sektordyń tıimdi jumysyn qurý úshin ÚEU-dyń aqparattyq keńistikterin damytý qajet.

Uıymdastyrýshylar pikirsaıys alańyndaǵy úlgi elimizdiń azamattyq qoǵam belsendileri arasyndaǵy ózara túsinistikteriniń jaqsarýyna yqpal etip, durys jáne tıimdi baılanys mehanızmin qurýǵa kómektesedi degen senimde.

Jıyn barysynda "2006- 2011 jyldarǵa arnalǵan QR Azamattyq qoǵamnyń damý tujyrymdamasynyń" iske asýy aıaqtalyp keledi dep atap ótildi. "Osy jyldar arasynda memleket, halyqaralyq uıymdar men ÚEU tarapynan azamattyq qoǵam qurý boıynsha kóptegen ister atqaryldy. Degenmen, úkimettik emes uıymdardyń qoǵamdyq talqylaýǵa shyǵarǵysy kelmeıtin birneshe problemalyq suraqtary bar", delindi jıyn barysynda.