Qazaqstanda azamattyq avıatsııa salasynda bilikti ınspektorlar qalǵan joq - B.Saǵyntaev
ASTANA. 20 mamyr. QazAqparat - Qazaqstanda azamattyq avıatsııa salasynda bilikti ınspektorlar qalǵan joq dep aıtýǵa bolady.
Bul týraly KTK telearnasyndaǵy «Halyq qyzmetshisi» baǵdarlamasyna suhbat bergen QR Premer-Mınıstriniń birinshi orynbasary - Óńirlik damý mınıstri Baqytjan Saǵyntaev aıtty.
«Biz qazir avıatsııalyq zańnamany qaıta qaraýdamyz jáne Azamattyq avıatsııa komıtetiniń qadaǵalaýshylyq qyzmetin kúsheıtýdemiz.
Búgingi tańda jetkilikti bilimi bar ınspektorlar qalǵan joq dep te aıtýǵa bolady, olardyń sany qatty qysqarǵan. Sondyqtan da biz qazirgi ýaqytta barynsha bilikti mamandar tartý úshin ınspektorlar sanyn arttyrýdamyz. Biz laýazymdyq jalaqylaryna qosymsha ústemeaqy qarastyrýdamyz», dedi B.Saǵyntaev.
Onyń sózine qaraǵanda, qazirgi ýaqytta Azamattyq avıatsııa akademııasynda bilikti mamandar daıyndaý úshin qajetti jaǵdaılar jasaý baǵytynda jumystar júrgizilýde. Sonymen qatar «Bolashaq» baǵdarlamasy boıynsha shetelde azamattyq avıatsııa mamandaryn daıyndaý da qolǵa alyndy.
